पोखरा, मंसिर २५ । पर्यटन व्यवसायीलाई फोटोग्राफी र भिडियोग्राफी सम्बन्धमा नेपाल पर्यटन बोर्ड, पोखरा कार्यालयले तीन दिने तालीम प्रदान गरेको छ ।
गत शुक्रबारदेखि सञ्चालन गरिएको उक्त तालीममा पोखरा र आसपासका क्षेत्रमा घरबास कार्यक्रम सञ्चालन गर्ने व्यवसायी, होटल व्यवसायी तथा पदयात्रा पर्यटन सञ्चालन गर्दै आएका ३५ जनाको सहभागिता रहेको नेपाल पर्यटन बोर्ड, पोखरा कार्यालयका प्रबन्धक सूर्य थपलियाले जानकारी गराए ।
प्रत्येक पर्यटक आफैँमा पर्यटनको सम्वाहक भएको बताउँदै उनले पर्यटन व्यवसाय सञ्चालन गर्दै आएका व्यवसायीका लागि क्षमता अभिवृद्धिका लागि फोटोग्राफी एवं भिडियोग्राफी तालीम प्रदान गरिएको बताएका छन् ।
0
Shares
