काठमाडौँ, मंसिर २५ । सोमबार बसेको मन्त्रिपरिषदको बैठकले विभिन्न सरकारी संस्थानहरूको प्रमुख नियुक्ति गरेको छ । सन्चार मन्त्री मोहनवहादुर बस्नेतको प्रस्तावमा मन्त्रिपरिषदको बैठकले नयाँ नियुक्ति गरेको हो ।
बैठकले चलचित्र विकास बोर्डको अध्यक्षमा निकिता पौडेललाई नियुक्त गरेको छ । पौडेल गोपीकृष्ण भूमिजकी सन्चालक हुन् ।
त्यस्तै गोरखापत्र संस्थानको महाप्रबन्धकमा बसन्तप्रकाश उपाध्यायलाई नियुक्त गरिएको छ । उपाध्याय गोरखापत्र संस्थानकै कर्मचारी पनि हुन् ।
बस्नेतले नेपाल टेलिकमको प्रबन्ध निर्देशकमा अनिल झालाई नियुक्ति गर्न प्रस्ताव लगेका थिए । तर सो प्रस्ताव भने सोमवारको बैठकमा निर्णय भएको छैन ।
सोमवारको बैठकले प्रदेश प्रमुखहरुको नियुक्ति र प्रदेशका अस्थायी राजधानी तोक्ने बारेमा भने निर्णय हुन सकेको छैन । बैठकमा यसबारेमा छलफल नभएको र अर्को बैठकले निर्णय गर्ने शहरी विकास मन्त्री दिलनाथ गिरीले जानकारी गराए ।
