लोकसत्ता सम्बाददाता, क्यानडा
३० डिसेम्बर, २०१७
ब्राम्पटन बाट प्रतिनिधित्व गर्ने क्यानडाको रुलिगं लिबरल पार्टिका सांसद रमेश साँगाले नेपालमा क्यानेडियन भिसा तथा बाणिज्य कार्यालय स्थापना गर्नको लागि आजै बाट आफुले पहल गर्ने अठोट ब्यक्त गर्नु भएको छ ।
उहाँले ब्राम्पटनमा नेपाली जनसम्पर्क समिति, क्यानडाले आयोजना गरेको अंग्रेजी नयाँ बर्ष २०१८ को पूर्व सन्ध्याका अवशरमा चियापान तथा शुभकामना आदान प्रदान कार्यक्रममा उक्त कुरा बताउनु भएको हो । साथै उहाँले नयाँ बर्षमा अझै नेपाली समूदायको उत्तरोत्तर प्रगति, शुस्वास्थ्य तथा हरेक कार्यको सफलतामा आफु सधै एक भएर एक साथ अगाडी बढ्ने प्रतिबद्धता समेत ब्यक्त गर्नु भएको छ ।
कार्यक्रममा एनआरएनए क्यानडाका अध्यक्ष गोपिकृष्ण काफ्लेले नयाँ बर्ष २०१८ को सबैमा शुभकामना दिदै आउदा दिनहरुमा सबै संथा र ब्यक्तिहरुमा प्रत्यक दिन समाज र देश प्रति अलिकति भए पनि केहि सेवा गरौ भन्ने भावना फैलाउन सकोस् भन्दै एनआरएनए क्यानडाले हरेक क्षेत्रमा समाजले गरेका कामहरुमा सहयोग गरिरहेको बताउनु भएको छ । साथै उहाँले आफु राष्ट्यि, लोकतन्त्र र समाजबाद प्रति सहमत भएको जनाउदै सबै संथाहरु संथागत रुपमा अगाडी बढ्ने हो भने संथागत रुपमा समाज तथा समाजका ब्यक्तिहरु प्रति उत्तरदाई भै उनीहरुको हितमा अगाडी बढ्नु भर्ने तर्फ जोड दिनु भएको थियो ।
संथाका सभापति तुल्सी पौडेलले सबैमा शुभकामना दिदै नाम र आबद्धताको हिसावले यो संथा राजनितिक संथा जस्तो देखिए पनि क्यानडामा हामी राजनिति गर्ने नभै संथा मार्फत क्यानडामा रहेका नेपाली समूदाय, देश र नेपाली जनता प्रति उत्तरदायि रहदै सेवामा लाग्ने उद्धेश्य रहेको प्रष्ट पार्नु भयो ।
त्यसैगरि उक्त कार्यक्रममा उपस्थित बिभिन्न संघ संथाका प्रतिनिधिहरुले पनि आ आफ्ना शुभकामना मन्तब्य राखेका थिए । शुभकामना मन्तब्य राख्नेहरुमा एनआरएनए क्यानडाका उपाध्यक्ष राजकुमार महत, एनआरएनए क्यानडाका पूर्व अध्यक्ष अनिल थापा, एनआरएनए क्यानडाका पूर्व उपाध्यक्ष तथा बर्तमान नर्थ अमेरिकाका आई सी सी सदस्य अभिमन्यू बस्नेत, पर्यटन दूत एन.बि टन्डन, एनसीएनसी का अध्यक्ष डि.आर खनाल, एभरेष्ट लायन्स कल्वका अध्यक्ष लायन मित्र काफ्ले, क्यानेडियन रिपोर्टस् का सिइओ नारायण घिमिरे, एनआरएनए क्यानडाका महासचिव चिरन घिमिरे, महिला चौतारीको तर्फ बाट गिता दवाडी, समाजसेवी महेन्द्र कार्कि, समाजसेवी प्रकाश ज्ञवाली लगायतका रहेका थिए । कार्यक्रममा बिष्णु अर्यालले स्वागत मन्तब्य राख्नु भएको थियो भने कार्यक्रम संचालन दिपक सापकोटाले गर्नु भएको थियो ।
क्यानडामा राष्ट्यिता, लोकतन्त्र, समाजवाद सिद्धान्त बोकि नेपाली कांग्रेस संग निकट भएका दुई वटा छुट्टा छुट्टै संथा नेपाली जनसम्पर्क समिति, क्यानडा को नामले दर्ता गरि आफु लाई आधिकारिक मान्दै आईरहेका छन् । तटस्थ रहि एउटै सिद्धान्तमा आस्था राख्नेकोे संख्या ठुलै रहे पनि बिवादले गर्दा आफुलाई प्रजातन्त्र बादि हौ भन्न त्यस्ता संख्या अग्रसर देखिदैनन् । नेपाली कांग्रेसका केन्द्रिय सदस्य तथा पूर्व जनसम्पर्क समिति समन्वय बिभाग प्रमुख अर्जुन जोशीको दुई पटकको जोडदार प्रयास र पहलमा समेत मिल्न नसकेका दुई समूहहरु अझै आ आफ्ना अडानमा कटिबद्ध रहेका छन् तर उनीहरु दुबैको माग के हुन् भन्ने बारेमा कोहि प्रष्ट छैनन् । अझ बिदेशमा बसेर पनि राजनिति के का लागि भन्ने चौतर्फि आरोप यि दुबै समूह माथि पर्दै आईरहेको छ तर पनि छिटो भन्दा छिटो सिबै मिलेर निष्पक्ष अधिबेशन मार्फत नयाँ नेतृत्व चयन गरेर समाज, देश, जनता र नेपाली कांग्रेस प्रति बफादार हुन ढिला गर्न नहुने देखिएको छ ।
स्मरण रहोस् कीः बुद्धि वलीको नेतृत्वमा २०१३ मा क्यानडामा दर्ता भै नेपाली कांग्रेसको मान्यता प्राप्त नेपाली जनसम्पर्क समिति Nepalese People Coordination Committee (NPCC), क्यानडा छ भने तुल्सी पौडेलको नेतृत्वमा समानान्तर नामको जनसम्पर्क समिति Nepalese People Relation
Committee (NPRC), क्यानडामा दर्ता भएको छ तर नेपाली कांग्रेसको आधिकारीक मान्यता भने प्राप्त भएको छैन ।
