जाजरकोटमा भीरबाट लडेर दुई युवाको मृत्यु

बद्री पन्त
जाजरकोट १९, पुस । जाजरकोटमा भीरबाट लडेर दुई युवाको ज्यान गएको छ ।

घर निर्माणको काठ लिन गएका वेला लडेर ज्यान गएको हो । मृत्यु हुनेमा कुशे गाउँपालिका ७, नारेका २८ बर्षिया किशोर सिंह र ३० बर्षिय जनक नेपालीको मृत्यु भएको स्थानीय चित्र बहादुर शाहीले जानकारी दिनु भएको छ ।

छिमेकी प्रदिप नेपालीको घर निर्माणको भराईनी काठ लिन गएका थिए । काठ लिएर फर्किदै गर्दा सिस्नेरीको भीरबाट लडेर ५ सय मिटर तल खसेका थिए । उनीहरुको घटना स्थलमा नै मृत्यु भएको शाहीले बताउनु भएको छ ।

युवाको मृत्युले नारेगाउँ शोकमग्न भएको छ । पछिल्लो समय जाजरकोटमा भीरबाट लडेर अकालैमा ज्यान गुमाउनेको संख्या बढ्दै गएको छ । भने यस अघि एक महिनामा ६ जनाको ज्यान गएको जाजरकोट प्रहरीले जनाएको छ ।