जाजरकोटमा घरको छतबाट खसेर एकको मृत्यु एक घाइते

बद्री पन्त
जाजरकोट ३, माघ  । जाजरकोटको भेरी नगरपालिका ४, बसपार्क स्थित निर्माणाधीन घरको छतबाट खसेर एक मजदुरको मृत्यु भएको छ । भने खलंगाकी धनकला परियार घाईते भएकी छन ।

४ तला अग्लो छतबाट खसेर बर्दिया सानोश्री नगरपालिका ६ का ४० बर्षीय बल बहादुर वि.क. को मृत्यु भएको जाजरकोट प्रहरीले जनाएको छ । स्थानीय प्रवेश आरसीको निर्माणाधीन घरको चौथो तलाको ढलानका लागि फर्म सेटीङ्ग गर्ने क्रममा विक एक्कासी खसेर गम्भीर घाईते भएका थिए ।

घाईतेविकको उपचारका लागि नेपालगंज तर्फ लैजाँदै गर्दा विच बाटोमै मंगलवार राति मृत्यु भएको हो । मिस्त्रीको काम गर्दै आएका विकले आरसीको घर निर्माणको ठेक्का लिएका थिए । घाइते परियारको नेपालगंजमा उपचार भइ रहेको छ