फोहोरको थुप्रोमा नवजात शिशु फेला

काठमाडौ, माघ ४ । काठमाडौंको चाबहिलस्थित स्तुपा नजिकै फोहोरको थुप्रोमा नवजात शिशु भेटिएको प्रहरीले बताएको छ ।

ती शिशुलाई प्रहरीले जिवितै उद्धार गरेको छ । बिहीबार बिहानै झोलाभित्र रोइरहेकी अन्दाजी ७ दिनकी शिशुलाई प्रहरी वृत्त गौशालाको टोलीले उद्धार गरेको प्रहरीले बताएको छ ।

बिहान करिव सवा ४ बजे गस्तीमा रहेको प्रहरी टोलीले फोहोरको थुप्रोमा बच्चा रोएको सुनेपछि हेर्दा नवजात शिशु फेला परेको हो ।

शिशुलाई उद्धार गरी उपचारको लागि काठमाडौँ मेडिकल कलेज सिनामंगल पठाइएको प्रहरीले बताएको छ । नवजात शिशु फाल्नेको खोजी कार्य भइरहेको प्रहरीले बताएको छ ।