काठमाडौं, माघ २३ । आशुतोष राज श्रेष्ठद्वारा निर्देशित चलचित्र ‘जाइरा’मा नम्रतासँग नायक अनुप विक्रम शाहीको जोडी छ । निर्देशक श्रेष्ठको यो डेव्यु निर्देशकिय चलचित्र हो ।
एक्सन जनराको ‘जाइरा’ मा नम्रता र अनुपसँगै रेमनदास श्रेष्ठ, प्रमोद अग्रहरी, सृजना रेग्मी, संगीता नापित र सम्राट मगरको मुख्य भूमिका रहनेछ । यस चलचित्रका लागि अहिले नायिका श्रेष्ठले फाइट सिकिरहेकी छिन् । बाबु सुरेश श्रेष्ठको सिनेम्याटोग्राफी रहने चलचित्रमा सम्राट बस्नेतको द्धन्द्ध निर्देशन रहनेछ ।
चलचित्रमा प्रशन्न गोपाली प्रमुख कार्यकारी निर्माताको रुपमा रहेका छन् । ‘जाइरा’ मा नम्रता बक्सिङ खेलाडीको भूमिकामा देखिने बताइएको छ ।
ट्रेन्ड सिटर्स प्रा.लि.को ब्यानरमा बन्ने उक्त चलचित्रको छायांकन फागुन तेस्रो साताबाट सुरु हुँदैछ । निर्माता गोपालीले चलचित्रको अधिकांश दृश्य काठमाडौंमा नै खिचिने बताए ।
