काठमाडौं, माघ २९ । आज मुलुकभरको मौसममा परिवर्तन आएको जल तथा मौसम पूर्वानुमान महाशाखाले बताएको छ ।
मौसम पूर्वानुमान महाशाखाका अनुसार केही क्षेत्रमा पानी पर्ने सम्भावना पनि रहेको महाशाखाले बताएको छ । पश्चिमी न्यून चापिय प्रणालीका कारण देशभरको मौसम परिवर्तन भएको हो । आइतबार पश्चिमबाट भित्रिएको पश्चिमी न्यून चापिय प्रणाली आइतबार राति मध्य तथा पूर्वी क्षेत्रमा पनि पुगेको हो ।
काठमाडौं उपत्यकासहित देशका धेरै ठाउँको मौसममा बदली भएको छ । केही ठाउँमा पानी पर्ने तथा उच्च पहाडी तथा हिमाली क्षेत्रमा हिमपात हुने सम्भावना रहेको पनि मौसम पूर्वानुमान महाशाखाले बताएको छ ।
0
Shares
