नवलपरासी, फागुन ६ । नवलपरासी (बर्दघाट–सुस्ता पूर्व) जिल्लाको कावासोती नगरपालिका–१५ अमलटारी गाउँका अति गरिब र विपन्न समुदायका लागि घर निर्माण गरिएको छ ।
कावासोती नगरपालिका र डब्लुडब्लुएफको संयुक्त आर्थिक लगानीमा अति विपन्न र वन्यजन्तुबाट पीडित साथै जीविकोपार्जन गर्न नसक्ने अवस्थाका विपन्न मुसहर समुदायका १५ परिवारका लागि घर निर्माण गरिएको हो ।
नगरपालिकाका तर्फबाट गरिब विपन्न आवास कार्यक्रम अन्तर्गत १० र डब्लुडब्लुएफको भूपरिधि कार्यक्रम अन्तर्गत पाँचवटा घर बनाएर हस्तान्तरण गरिएको कावासोती नगरपालिकाका उपप्रमुख प्रेमशंकर मर्दनीया थारूले बताए ।
डब्लुडब्लुएफले वन र वन्यजन्तुको संरक्षणका लागि निरन्तर कार्य गर्दै आएकाले अतिविपन्न मुसहर समुदायका बासिन्दाको जीविकोपार्जनमा मद्दत पुर्याउन सो घर हस्तान्तरण गरिएको उनले बताए ।
0
Shares
