अल्जाईमर्स रोगलाई प्राथमिकता दिनुपर्ने माग

काठमाडौं, जेठ २८ । अल्जाईमर्स अर्थात बिर्सने रोगलाई सरोकारवालाहरुले सामाजिक र सार्वजनिक स्वास्थ्यको विषयको रुपमा प्राथमिकता दिनका लागि सरकारलाई आनुरोध गरेका छन् ।
होप हर्मिटेज नेपालले अल्जाइमर्स सम्बन्धी अध्ययन प्रतिवेदन सार्वजनिक गर्नका लागि गरेको कार्यक्रममा सरोकारवालाहरुले सरकारसग यस्तो आग्रह गरेका हुन् ।७० बर्ष भन्दा माथिका उमेर समूहका नागरिकमा यस्तो खालको समस्या वढ्दै जान थालेपछी यसलाई सार्वजनिक स्वास्थ्यको रुपमा प्राथमिकता दिइनुपर्ने उनीहरुको भनाई थियो ।कार्यक्रममा होप हर्मिटेज नेपालकी अध्यक्ष प्रमिला बज्राचार्य थापाले अल्जाइमर्सलाई रोगको रुपमा नभई वुढ्यौली समस्याको रुपमा लिएर ब्यवहार गर्ने भएकाले अझ यस्तो समस्या बढ्न थालेको बताए ।यो रोग निको नहुने भएकाले अल्जाइमर्सका विरामीलाई परिवारको साथ र सहयोगको बढी आवश्यकता हुने उनको भनाई छ ।
अल्जाईमर डिजिज इन्टरनेशनलले गरेको अध्ययनले नेपालमा सन् २०१५ मा ७८ हजार मानिसमा अल्जाइमर्स देखा परेको पाइएको छ ।सन २०३० सम्ममा १ लाख ३४ हजार नेपाली अल्जाइमर्सबाट पीडित हुने अनुमान गरिएको छ ।