उपराष्ट्रपतिमा नन्दबहादुर पुन निर्वाचित, आज घोषणा हुँदै

काठमाडौं, चैत ४ । उपराष्ट्रपतिमा नन्दबहादुर पुन निर्विरोध निर्वाचित भएका छन् । निर्वाचित भएको घोषणा भने आज हुँदैछ ।

उपराष्ट्रपतिका लागि हिजो उनको मात्रै उम्मेदवारी परेपछि उनी दोस्रो कार्यकालका लागि निर्विरोध उपराष्ट्रपति बनेका हुन् । चुनावी प्रक्रिया पूरा गरी उनलाई निर्वाचित भएको घोषणा गर्ने तयारी रहेको निर्वाचन आयोगका प्रवक्ता नवराज ढकालले जनाएका छन् ।

दोस्रो कार्यकालका लागि पनि उपराष्ट्रपतिमा पुनलाई नेकपा एमाले र नेकपा माओवादीका नेताहरुले प्रस्ताव र समर्थन गरेका छन् ।