काठमाडौँ, चैत १८ । ‘मदन भण्डारी राष्ट्रिय पत्रकारिता पुरस्कार–२०७४’ बाट यस वर्ष वरिष्ठ पत्रकार तथा लेखक कमल कोइरालालाई प्रदान गरिने भएको छ ।
विभागको आज बसेको प्रचारप्रसार बैठकले मदन भण्डारीको व्यक्तित्व, राजनीतिक गतिविधि र ‘जनताको बहुदलीय जनवाद’ बारेमा विभिन्न लेखमार्फत उजागर गरेकाले उनलाई उक्त पुरस्कार दिने निर्णय गरेको विभागका सचिव विष्णु रिजालले बताएका छन् ।
नेकपा (एमाले) केन्द्रीय प्रचार प्रसार विभागद्वारा स्थापित उक्त पुरस्कारको राशि रु ५१ हजार र सम्मानपत्र रहनेछ ।
वरिष्ठ पत्रकार तीर्थ कोइरालाको संयोजकत्वमा सदस्य डा महेन्द्र विष्ट र शीतल साह रहेको छनोट समितिले कोइरालालाई उक्त पुरस्कार दिने निर्णय गरेको हो । उनलाई सो पुरस्कार बुधबार प्रदान गरिने भएको छ ।
गत वर्ष पहिलो पटक उक्त पुरस्कार फोटो पत्रकार चन्द्रशेखर कार्कीलाई प्रदान गरिएको थियो ।
