काठमाडौँ, वैशाख २ । साहित्यकार विमल भौकाजीद्वारा सम्पादित ‘हिजो र आजका कथा’ नामक कथासंग्रह बजारमा आएको छ ।
सो संग्रहमा नेपाली साहित्यका २० स्थापित कथाकारका दुई दुई कथा समावेश छन् । डिकुरा पब्लिकेशनद्वारा प्रकाशित २९४ पृष्ठमा भुवन ढुङ्गाना, मोहनराज शर्मा, ध्रुवचन्द्र गौतम, माया ठकुरी, लक्ष्मण राजवंशी, भागीरथी श्रेष्ठ, भाउपन्थी, मञ्जु काँचुली, मनु ब्राजाकी, विश्वम्भर चञ्चल, परशु प्रधान, पद्मावती सिंह, चन्द्रकला नेवा, धु्रव सापकोटा, अनिता तुलाधर, बाबा न्यौपाने, राजेन्द्र विमल, राजेन्द्र थापा, शैलेन्द्र साकार र हरि अधिकारीका कथा संग्रहित रहेका छन् । नेपाली साहित्य क्षेत्रमा कथालाई निकै लोकप्रिय विधाको रुपमा चिनिन्छ ।
सुरुमा कथा भन्ने र सुन्ने परम्पराबाट हुर्किएको भए पनि विस्तारै यसले लेख्य रुप प्राप्त गर्यो । नेपाली कथाको क्षेत्रमा गुरmप्रसाद मैनालीलाई आदर्श मानिन्छ । क्रमशः पुष्करशम्शेर, विश्वेश्वरप्रसाद कोइराला, भवानी भिक्षुलगायत कथाकारले कथा प्रवद्र्धन वा विकासमा ठूलो योगदान दिएका छन् ।
पुस्तकमा छापिएर चर्चा कमाइसकेका र लोकप्रिय भइसकेका कथा समाविष्ट छन् जसका कथाकार हिजो र आजसम्म पनि क्रियाशील छन् । तिनको यही क्रियाशीलताको तस्वीर सो संग्रह रहेको कृतिका सम्पादक विमल भौकाजीले बताए ।
खास गरेर कोही समीक्षक वा समालोचकले कुनै कथाको विषयमा लेखिइिसकेपछि वा बोलिदिइसकेपछि मात्र त्यसलाई पाठकले पढ्ने प्रचलन मौलाउँदै गइरहेको छ, हामीले यो कथासंग्रहमार्फत पाठकलाई अलिक भिन्नै बाटो हिँडाउने प्रयास गरेका छौँ, ताकि समीक्षक–समालोचकले थोपरेको बाध्यताबाट पाठक वर्ग मुक्त होस् उनले भने ।
उक्त पुस्तकको मूल्य रु ४४५ रहेको छ ।
