नेपाली सिने जगतमा चलचित्रहरु विदेशमा सुटिङ् हुने क्रेज बढिरहेका बेला नेपाली दर्शक सामु मात्रै नभएर निर्देशक तथा निर्माता पनि खुबै रुचाइएको पछिल्लो चलचित्रहरुबाट पुष्टि हुन्छ । शुसिल श्रेष्ठको प्रमूख अभिनय रहने नेपाली फिल्म ’बादशाह जुट’को छायांकन शुरु भएको जानकारी गराएको छ । शनिबार राजधानीबाट छायांकन सुरु भएको सो चलचित्र पोखरा र मुम्बईमा पनि खिचिनेछ ।
यस चलचित्रलाई जोनी सिंह राणाले निर्देशन गरिरहेका छन् भने शुसिलको साथमा आमिर गौतम, केइसा रावत, रोशी खड्का, रश्मि पाण्डे, रोबिन तामाङ लगायतका कलाकारको अभिनय रहने बताइएको छ । जानकारी भए अनुसार ’बादशाह जुट’मा सुशीलको बेग्लै र नयाँ अवतार देख्न पाइनेछ ।
‘बादशाह जुट’मा एच एण्ड बी फिल्मससँग गोल्डेन ग्रेप्स फिल्म एण्ड इन्टरटेनमेन्टले सहकार्य गर्ने भएको । यस चलचित्रको कथा अभिषेक कुमार सैनीले लेखेका हुन् । चलचित्रमा कमेडी, एक्सन, रोमान्स र थ्रिलको समिश्रण पाइने छ ।
यस चलचित्रको कथा र कमेडीलाई राम्रोसँग अध्ययन गरी बनाइएको र यस चलचित्रले दर्शकको मन जित्न सक्ने पनि बताइएको छ । यो चलचित्रले दर्शकलाई हलसम्म तान्न सक्छ कि सक्दैन त्यो त रिजिज पछि नै थाहा हुन्छ ।
