काठमाडौँ, बैशाख १० । दुई दिने नेपाल भ्रमणका लागि भारतीय प्रधानमन्त्री नरेन्द्र मोदी बैशाख २८ गते नेपाल आउने भएका छन् ।
प्रधानमन्त्री केपी शर्मा ओलीले भारतले प्रस्ताव गरेको मितिलाई आज अनुमोदन गरेसंगै मोदीको नेपाल भ्रमणमा आउने समय निश्चित भएको हो ।
मोदीको यो तेस्रोपटकको नेपाल भ्रमण हुनेछ । स्रोतका अनुसार प्रधानमन्त्रीको बेइजिङ यात्रा अहिलेका लागि पछि सरेको छ ।
प्रधानमन्त्री ओलीको भारत भ्रमणको मिति पनि भारतीय विदेश मन्त्रालयले नै तोकेको दिनमा भएको थियो । आगामी शुक्रबार चीन जान लागेका मोदी त्यहाँबाट फर्केको एक सातापछि नेपाल आउने तय भएको हो ।
0
Shares
