काठमाडौ, बैशाख १० । संसद्को बजेट अधिवेशन बैशाख २३ गते डाक्न संघीय संसद् सचिवालयले सरकारसँग प्रस्ताव गरेको छ ।
नीति तथा कार्यक्रम र बजेटपहिलाको छलफलका लागि ढिलामा २३ गते अधिवेशन बोलाउन उपयुक्त हुने सल्लाहसहित सचिवालयले सरकारलाई प्रस्ताव गरेको सचिवालयका प्रवक्ता भरत गौतमले जानकारी गराएका छन् ।
संवैधानिक व्यवस्था अनुसार अधिवेशन आह्वान र अन्त्य मन्त्रिपरिषद्को सिफारिसमा राष्ट्रपतिबाट हुनेछ । संसद्को पहिलो अधिवेशन चैत २० गते अन्त्य भएको थियो ।
निर्वाचनपछि फागुन २१ गतेदेखि पहिलो अधिवेशन डाकिएको थियो ।
0
Shares
