काठमाडौँ, वैशाख ११ । आज शेयर बजारमा नेप्से परिसूचक दोहोरो अंकले घटेर ओरालो लागेको छ ।
१५.९९ बिन्दुले ओरालो लागेर नेप्से परिसूचक एक हजार ३९४ बिन्दुमा पुगेको नेपाल स्टक एक्सचेन्जले बताएको छ । ‘क’ वर्गका कम्पनीको शेयर मापन गर्ने सेन्सेटिभ परिसूचक ३.४२ बिन्दुले घटेर २९४.६२ बिन्दुमा पुगेको हो ।
आज कूल १७० कम्पनीको १७ लाख १९ हजार ८०० कित्ता शेयर रु ७३ करोड ९२ लाख २२ हजार ५९ मूल्यमा खरिद बिक्री भएको स्टकले बताएको छ । आज व्यापार उपसमूहबाहेक अरु सबै उपसमूहको शेयर घटेको छ ।
व्यापार समूह २.८७ बिन्दुले बढ्दा बैंकिङ १५.८५, होटल ११.८३, विकास बैंक २७.७९, जलविद्युत् १३.१, फाइनान्स ९.९२, बीमा ७६, उत्पादन ९.९१, अन्य ६.८३, माइक्रोफाइनान्स १०.५१ बिन्दुले घटेर ओरालो लागेको छ ।
0
Shares
