काठमाण्डौ, बैशाख १६ । दृष्टिविहीन यूवती सृष्टि केसीको जीवनमा आधारित भएर निर्माण भएको चलचित्र ‘ब्लाइन्ड रक्स’ अहिले विदेशका विभिन्न देशहरुमा प्रदर्शन भइरहेको छ । नेपालमा व्यावसायिक रुपमा सफल नभए पनि यस चलचित्रले विदेशमा भने निकै माग भएको निर्माता निकेश लिम्बु बताएका छन् । नेपालको प्रदर्शनबाट लगानी नउठेपछि विदेश प्रदर्शनबाट आफू सुरक्षित रहनेमा उनि विश्वत छन् ।
राजधानीको कुमारी हलमा सृष्टिको संस्था ‘ब्लाइन्ड रक्स’ को सहयोगार्थ च्यारिटी शो गरिएको छ ।
एकै समयमा दुई शो राखिएको र दुवै शोको टिकट ’सोल्ड आउट’ भएको निर्माता लिम्बुले जानकारी गराएका छन् । लिम्बुका अनुसार, चलचित्रको च्यारिटी शोमा विशिष्ठ व्यक्तिहरुको समेत उपस्थिति रहेको थियो । शोमा उपस्थित अधिकांशले चलचित्र राम्रो भएको समेत बताएका गरेका छन् ।
मिलन चाम्सका निर्देशन रहेको चलचित्र ‘ब्लाइन्ड रक्स’ मा नायिका बेनिशा हमालले पर्दामा सृष्टिको भूमिका निभाएकी छिन् । चलचित्रमा अर्पण थापा, गौरी मल्ल, अनिल शाह, बसन्त भट्टको मुख्य भूमिका छ । एन फिल्मस क्रिएसन र चाम्स इन्टरटेनमेन्टको ब्यानरमा फिल्मको निर्माण गरिएको हो ।
