काठमाण्डौ, बैशाख १७ । नेपालका सुपरस्टार भन्दा फरक नपर्ने नाम हो अनमोल केसी । नेपाली सिने जगतमा मात्र नभएर उनको नाम बेला बेलामा बलीउडतीर पनि लिइरहेको विभिन्न न्यूज च्यानेल र पत्र पत्रिकामा हामी देख्न सक्छौं । उनको प्रमुख भूमिका रहने फिल्म ‘क्याप्टेन’ को आइतवारबाट छायांकन सुरु भएको छ । यस चलचित्रमा उनले एक फुटबल खेलाडीको भूमिका निर्वाहा गर्नेछन् । भुवन केसीको निर्माण र दीवाकर भट्टराईले निर्देशन रहने छ ।
दुई दिनदेखि यो चलचित्रको छायांकन इलाममा भइरहेको छ । खबरअनुसार, इलाममा भइरहेको ’माइभ्याली गोल्डकप’ भन्दा चार घण्टा अगाडिदेखि उक्त ग्राउण्डमा ‘क्याप्टेन’ को सुटिङ चल्दै आएको छ । उक्त चलचित्रमा स्थानिय खेलाडीको समेत अभिनय रहेको छ ।
पूर्वको एउटा सानो गाउँबाट राष्ट्रिय फुटबल खेलको विजेतासम्म बनेका एक युवकको संघर्षको कथा यस चलचित्र मार्फत देखाउन खोजीएको निर्माण टिमले बताएको छ । सो चलचित्रमा अनमोलको क्याप्टेनको भूमिकामा सरोज खनाल छन् ।
अनमोल र सरोज खनालको चार हप्ता लामो फुटबल ट्रेनिङ पछि यो चलचित्रको छायांकन सुरु भएको हो । हालै सुटिङ भइरहँदाको एक तश्बिर सामाजिक सञ्जालमा व्यापक रुपमा भाइरल भएको छ ।
तश्बिरमा अनमोल ११ नम्बरको फुटबलको जर्सीमा देखिएका छन् । चलचित्रमा सरोजपछि अनमोललाई क्याप्टेन बनेको हेर्न पाइनेछ । यस चलचित्रमा अनकोलको अपोजिटमा उपासना सिंह ठकुरी र प्रियंका एमभीको जोडी बाँधिएको छ ।
अनमोलले जुन चलचित्रमा साइन गरे त्यो चलचित्र एकदम हिट मात्र नभएर सुपरहिट नै भए । जेरी, ड्रिम्स, कृ जस्ता फिल्मे उनलाई सर्वोच्च शिखरमा पुर्याएको छ । हेरौं यसपटक उनको चलचित्र कस्तो हुनेछ त्यो त हलमा प्रर्दशन पश्चात नै थाहा हुनेछ ।
