नेपाली सिने जगतमा एक चर्चित जोडी हुन् निरुता सिंह र दिलिप रायमाझी । उनीहरुको पहिलो फिल्म थियो ‘१६ वर्षे जोवन’ । सो फिल्ममा निरुताले दिलिपकी आमाको भुमिका निर्वाह गरेकी थिइन् ।
एक अवार्ड समारोहको लागि निरुता नेपाल आएकी थिइन्, यसै मौकामा यी दुईको पनि धेरै वर्ष पछि भेट भएको हो । कुनै जमानाका रोचक एवं सबैका आखामा परेका यी जोडीलाई हरेक निर्माता र निर्देशकले आफ्नो फिल्ममा भइदिए हुन्थ्यो जस्तो गर्थे ।
यी दुवै अभिनीत फिल्म, दर्पण छाँया, लहना, सन्तान थरी थरीका, ए पण्डित बाजे, बन्धकी लगायतका फिल्महरु बक्स अफिसमा सुपर हिट भएका थिए । अब आउने नयाँ प्रोजेक्टमा यी दुवैलाई फेरी देख्न पाइने एक इन्टरभ्युमा उनीहरुले जानकारी गराएका छन् ।
उनीहरुले सप्राइज छ, दर्शकलाई के हुनेछ र कस्तो हुनेछ भनेर प्रतिक्षा गर्न र अब आउने फिल्ममा उनीहरुले धमाका ल्याइ दर्शकको मन जित्ने समेत बताएका छन् ।
