भक्तपुर, बैशाख २३ । काफ्ले समाज नेपाल भक्तपुर जिल्ला समितिको आयोजनामा जिल्ला स्तरीय काफ्ले बन्धुहरुको भेला चागुनारायण नगरपालिका ७ बागेश्वरीमा शनिबार सम्पन्न भएको छ ।
सो भेलामा काफ्ले समाज नेपाल केन्द्रिय अध्यक्ष गुणराज काफ्लेले समाजको महत्वबारे प्रकाश पार्दै सामाजिक सेवा गर्नु समाजको उद्देश्य रहेको प्रस्ट पारे । आ–आफ्नो ठाउँबाट जनताको सेवा गर्नुपर्ने बताउँदै उनले समाजलाई अगाडि बढाउन सबै एकजुट भएर लाग्नुपर्नेमा जोड दिए ।
उक्त कार्यक्रममा समाजका वरिष्ठ उपाध्यक्ष चन्द्रप्रसाद काफ्लेले सबै काफ्लेहरुको मुल थलो निर्माण हुन लागेकोले आफ्नो गक्षअनुसार सहयोग गरि निर्माण कार्यमा सहयोग पुर्याउन अनुरोध गरे । केन्द्रिय उपाध्यक्ष बाबुराम काफ्लेले समाजको काम कर्तव्यका बारेमा उल्लेख गरेका थिए ।
काफ्ले समाज नेपाल भक्तपुर जिल्ला समितिका अध्यक्ष अर्जुन काफ्लेको समापतित्वमा सम्पन्न भएको सो कार्यक्रममा जिल्ला सदस्य बलराम काफ्ले र पूर्व केन्द्रिय सदस्य प्रेमप्रसाद काफ्लेले पनि आ–आफ्नो विचार व्यक्त गरेका थिए ।
सोही कार्यक्रममा समाजको क्यालेण्डर पनि वितरण गरिएको थियो ।
