पहिरो खसेपछि सिद्धार्थ राजमार्ग अवरुद्ध

पाल्पा, वैशाख ३१ । सडकमा पहिरो खसेपछि सिद्धार्थ राजमार्ग अरुद्ध बन्न पुगेको छ । अविरल वर्षासँगै खसेको पहिरोले आज बिहान २ बजेदेखि सडक अवरुद्ध बनेको जिल्ला ट्राफिक कार्यालय पाल्पाले जानकारी गराएको छ ।

सडक अवरुद्ध भएपछि सिद्धार्थ राजमार्ग हुँदै जाने सवारी साधन बीचबाटोमै रोकिँदा यात्रु अलपत्रमा परेका छन् । आइतबार रातिदेखि परेको अविरल वर्षासँगै तिनाउ गाउँपालिका–३ हेडबक्स नजिकै माथिबाट पहिरो खसेपछि सडक अवरुद्ध भएको जिल्ला ट्राफिक कार्यालय पाल्पाका प्रमुख प्रविन आचार्यले बताएका छन् ।

पहिरोसँगै ठूला ठूला चट्टान सडकको बीचभागमा खसेका कारण सडक अवरुद्ध बनेको उनले जानकारी गराए । बिहानैदेखि सडक खुलाउने प्रयास गरिए पनि अहिलेसम्म सडक सञ्चालन हुन नसकेको जानकारी गराइएको छ ।