भारतीय सिने जगतमा ‘बाहुबली’ ले निकै नै लोकप्रियता हासिल गरेको छ जसले गर्दा अबका बन्ने सुपर न्याटुरल चलचित्रहरु पनि बाहुबलीकै स्टाइलमा बन्ने भएका छन् जुन हो चलचित्र ‘कृष ४’ र ‘५’ । ’बाहुबली’ को अपार सफलताले भारतीय बक्स अफिसमा यस्तो छाप छाडेको छ, जसलाई बलिउडले आजसम्म ताड्न सकेको छ । तर अब रितिक रोशन यो रेकर्ड तोड्नका लागि तयार रहेका छन् । रितिकको फिल्म ’कृष २’ र ’कृष ३’ ले बक्सअफिसमा राम्रो आमदानी हासिल गरेको थियो ।
उनका पिता तथा निर्देशक राजेश रोशन ‘कृष ४’ र ’कृष ५’ लाई ‘बाहुबली’ जस्तै गरी रिलिज गर्ने छन् । स्रोतका अनुसार, राजेश रोशनले आफ्नो दुई फिल्मलाई एकसाथ प्रदर्शन गर्ने निर्णय समेत गरेका छन् । तर यसो सहि निचोड भने निस्केको छैन ।
चलचित्र ’कृष’ को पहिलो सिरिज २००३ मा आएको फिल्म ’कोई मिल गया’ बाट सुरुवात भएको थियो । सो चलचित्रमा पहिलो पटक एलियनको कन्सेप्टमा काम भएको थियो भने यसका मुख्य पात्र रितिक रोशन थिए । यस चलचित्रले लगभग ५३ करोडको आम्दानी गरेको थियो ।
यस चलचित्रको कहानीलाई अगाडि बढाउने क्रममा वर्ष २००६ मा ’कृष’ निर्माण भयो । यो फिल्मले बक्सअफिसमा राम्रो कमाई गरेको थियो । करीब ४० करोडको लागतमा बनेको यो फिल्मले भारतीय बक्सअफिसमा ७२ करोड कमाएको थियो ।
यसपछि वर्ष २०१३ मा ’कृष ३’ रिलिज भयो । करीब ९४ करोडमा निर्माण गरिएको यो फिल्मले भारतीय बक्सअफिसमा २३५ करोडको कलेक्सन गरेको थियो । ’कृष’ सिरीज रितिकका लागि सधै नै खास र एक कोहिनुर हिरा भन्दा कम छैन । अब आउने सिरिजहर पनि उनका लागि लक्की कोइन साबित होउन उनलाई अग्रिम शुभकामना ।
