काठमाण्डौ, जेष्ठ १७ । लामो समयको पर्खाईमा पश्चात अन्ततः रणबीर कपूरको डिमान्डेड फिल्म ‘सञ्जु’ को अफिसियल ट्रेलर सार्वजनिक गरिएको छ । यस फिल्ममा जति टीजर लोकप्रिय थियो यस फिल्मको ट्रेलर पनि आकर्षित तरिकाले देखाइएको छ । ट्रेलरभित्र सञ्जय दत्तको जिन्दगीको हरेक पाना उनको जीवनको हरेक घट्नालाई यस फिल्म मार्फत छुने प्रयास गरिएको छ ।
उनको जिवनको हुबहु नै कपि पेस्ट गरिएको छ भन्दा फरक नपर्ला । यसमा उनलाई ड्रग्स लिएकोदेखि आतंकवादीको आरोप लगाएकोसम्म देखाइएको छ । यसअघि सार्वजनिक भएको फिल्मको टीजरमा रणबीर हो भनी चिन्न निकै मुश्किल परेको थियो । यो फिल्ममा सञ्जय दत्तकी आमा नरगिसको भूमिकामा अभिनेत्री मनीषा कोईरालाले अभिनय गरेकी छिन् ।
उनका अलावा यसमा परेश रावल, अनुष्का शर्मा, सोनम कपूर, दीया मिर्जा, विक्की कौशल, जिम सौरभ र बोमन ईरानी जस्ता भारतका चर्चित हस्तीहरुको अभिनय रहेको छ । यो फिल्ममा सञ्जयको भूमिका अभिनेता रणबीर कपूरले निभाएका छन् । यस फिल्म विधु विनोद चोपडाले निर्माण गरेका हुन् भने राज कुमार हिरानीले निर्देशक गरेका हुन् ।
ट्रेलरमा देखिएझै सञ्जयको कलेज, फिल्मी र जेलमा विताएका सबै पललाई इमोशनल अन्दाजमा दर्शकको मन जित्ने गरि र एकपटक दर्शकले हेर्ने पर्ने समेत फिल्म मार्फत जनाइएको छ ।
निर्देशक हिरानीले सञ्जयका बितेका पल यस फिल्म मार्फत फेरि एकपटक जीवित गरिदिएका छन् । ‘सञ्जु’ सञ्जयको जन्मदिनको ठिक एक महिना पहिला अर्थात् २९ जूनमा रिलिज हुँदैछ । यस चलचित्रले भारतीय दर्शकलाई मात्र नभएर समस्त भारतिय तथा अन्तर्राष्ट्रियस्तरका दर्शकलाई पर्खाइरहेको छ । रणवीर कपुरको लागि पनि यो फिल्म निकै महत्वपूर्ण रहेको छ । उनलाई यस ट्रेलरमा सञ्जयजस्तै नै मेकओभर गरिएता पनि यसले कतिको बक्स अफिसमा रेकर्ड राख्छ त्यो भने २९ जूनमा नै थाहा हुनेछ ।
