एक्सपर्ट एजुकेशन एन्ड माइग्रेशन सर्भिसले सिड्नीमा एक दिने एजुकेशन एन्ड माइग्रशेन सेमिनारको आयोजना सम्पन्न गरेको छ ।
अस्ट्रेलियामा उच्च अध्यनमा आउने विद्यार्थीका लागि ब्रान्ड बनिसकेको एक्सपर्ट एजुकेशनले विद्यार्थीको हितलाई ध्यानमा राखेर एक दिने शैक्षिक तथा अध्यागमन सम्वन्धी सेमिनार सिड्नीको टाउनहलस्थीत रिज होटलमा आयोजना गरेको हो ।
शैक्षिक तथा अध्यागमन बिषयमा छुटटाछुटटै शेसन राखिएको सेमिनारको पहिलो सत्रमा अस्ट्रेलियामा रहेको विद्यार्थीको स्थायीत्वको सवालमा ४८९ भिसा र १९० भिसाका बिषयमा तास्मानिया, डार्बिन र क्यानबेरा जस्ता रिजनलहरुको सम्भावना र सरकारी नीतिका विषयमा विशेष जानकारी गराइएको थियो ।
पहिलो सत्रमा अध्यागमनका विषयमा प्रोफेसनल इयर, नाटी तथा सीसीएल कोर्ससँगै पछिल्लो समयमा अस्ट्रेलियन सरकारको नया निती र पीआरका लागि आवश्यक अंकका बारेमा बिज्ञ टोलीले जानकारी गराएको एक्सपर्टका निर्देशक बद्री अर्यालले बताए ।
होटल रिजमा आयोजना गरिएको सो शैक्षिक तथा अध्यागमन मेलामा अस्ट्रेलियाका बिभिन्न बिश्वबिद्यालयका प्रतिनिधीहरुको समेत उपस्थीती रहेको थियो ।
शैक्षिक मेलामा प्रतिनिधीसँग विद्यार्थीले आफ्ना जिज्ञासाहरु सिधै बिश्व बिद्यालय र बिज्ञहरुसँंग राखेका थिए ।
‘हामीले विद्यार्थीका जिज्ञासा र अध्यागमनका अप्ठ्याराका विषयमा यहाँ रहेका विद्यार्थीलाई सहज होस भन्ने हेतुले यो शैक्षिक तथा अध्यामगन सेमिनार आयोजना गरेका हौ, पर्यटनदुत समेत रहेको निर्देशक अर्यालले बताए ।
सेमिनारमा विद्यार्थीका लागि निःशुल्क मोक टेष्टसमेत ब्यवस्था गरिएको र विश्वबिद्यालयमा प्राप्त गर्न सकिने छात्रवृत्ति र विद्यार्थीका कल्याणकारी बिषयमा समेत परामर्श दिइएको एक्सपर्टका भुवन पाण्डेले बताए । कार्यक्रममा करिब दुइ सय भन्दा बढि नेपाली तथा बिदेशी बिध्यार्थीहरुले सो शैक्षिक मेलावाट बिभिन्न बिषयमा जानकारी लिएका थिए ।
