बाजुरा, जेठ २० । जनताका नैसर्गिक आधारभूत अधिकार र लोकतान्त्रिक गणतन्त्र सरकारले सुरक्षित गर्नुपर्ने नेपाली काँग्रेसका केन्द्रीय सदस्य रमेश लेखकले बताएका छन् ।
नेपाल प्रेस युनियन बाजुराद्वारा आज आयोजित पत्रकार सम्मेलनमा बोल्दै नेता लेखकले संविधानको ग्यारेण्टी तथा मौलिक हक अधिकार सुनिश्चितता गर्दै लैजान सरकारलाई अनुरोध गरे ।
सबै राजनीतिक दलको सहकार्यमा नै संविधान कार्यान्वयन भएको लेखकले जनाएका छन् । काँग्रेसको नेतृत्वमा नै मुलुकले एतिहासिक सफलता प्राप्त गरेको लेखकको भनाइ छ ।
नेपाली काँग्रेसले एक दशकमा प्राप्त गरेका उपलब्धिको ठीक ढंगले कार्यान्वयन भए नभएको बारेमा पार्टीले खबरदारी गर्ने लेखकले बताएका छन् ।
काँग्रेसले सरकारले गरेका काम कारबाही र संविधान कार्यान्वयन तथा राष्ट्रको हक हितमा सहयोग गर्ने उनले बताए । कांग्रेसले प्रभावकारी रुपमा बलियोे प्रतिपक्षको भूमिका निर्वाह गर्ने उनको भनाइ ।
