चितवन, जेठ २७ । आज बिहान नारायणगढ–मुग्लिन सडकखण्ड अन्तर्गत कालीखोलामा दूध बोक्ने ट्याङ्कर सडकबाट त्रिशूलीमा खसेको छ ।
इच्छाकामना गाउँपालिका वडा नं ६, कालीखोलामा बिहान ६ बजे मुग्लिनबाट नारायणगढ आउँदै गरेको ना ७ ख ४१५५ नंको दूध बोक्ने ट्याङ्कर त्रिशूलीमा खस्दा एकजना घाइते भएका छन् ।
घाइते हुनेमा पूर्वी चितवनको राप्ती नगरपालिका वडा नं ७ बस्ने ३४ वर्षीय हरि सिलवाल रहेको जिल्ला प्रहरी कार्यालय चितवनले जानकारी गराएको छ ।
घाइते सिलवालको पुरानो मेडिकल कलेजमा उपचार भइरहेको प्रहरीले जनाएको छ । दुर्घटनाग्रस्त ट्याङ्कर निकाल्ने कार्य भने जारी छ ।
0
Shares
