काठमाडौँ, जेठ २८ । नेपाल ट्रेड युनियन काँग्रेसको छैटौँ महाधिवेशन भोलिदेखि काठमाडौँमा हुन गइरहेको छ ।
नेपाल ट्रेड युनियन कांग्रेसको छैटौं अधिवेशनमा वर्तमान अध्यक्ष खिलानाथ दाहाल को टीम र पुष्कर आचार्यको टीम बीच प्रतिस्पर्धा हुने पक्का भएको छ । चार वर्ष नौ महिनापछि हुन लागेको महाधिवेशनमा बर्तमान उपाध्यक्ष रमा पौडेलले पनि अध्यक्ष पदका लागि उम्मेदवारी दिएकी छिन । १७ पदाधिकारीसहित ४४ पदमा निर्वाचन हुँदैछ ।
वर्तमान उपाध्यक्ष रमा पौडेलले उम्मेदवार दिए पनि दुई समूहबीच नै कडा प्रतिस्पर्धा हुने आँकलन ट्रेड युनियन कर्मीहरुको छ ।
दाहाल समूहबाट वरिष्ठ उपाध्यक्षमा अयोध्याप्रसाद यादव, उपाध्यक्ष (खुला) बमबहादुर डिसी, डिपी अर्याल, उपाध्यक्ष (महिला)कल्पना अधिकारी, उपाध्यक्ष (सेवा) शंकर लामिछाने, उपाध्यक्ष (उत्पादन) युवराज लामा, उपाध्यक्ष (अनौपचारिक) नूर महम्मद रैन रहेका छन् ।
यसैगरी मह-सचिव सञ्जय मिश्र, उपमहासचिव (खुला) जनार्दन निरौला, काजीमान श्रेष्ठ, उपमहासचिव (महिला) कमला लामिछाने, उपमहासचिव (सेवा)रञ्जन थापा, उपमहासचिव (उत्पादन) धीरेन्द्र सिंह, उपमहासचिव (अनौपचारिक) आत्माराम पौडेल, कोषाध्यक्ष रिसभ घिमिरे र सहकोषाध्यक्षमा ताराकुमारी राई छन् ।
आचार्य समूहबाट भने वरिष्ठ उपाध्यक्षमा महेन्द्रप्रसाद यादव, उपाध्यक्ष (खुला) तेजेन्द्रजंग कार्की, अजयकुमार राई, उपाध्यक्ष (महिला) इन्दिरा सापकोटा, उपाध्यक्ष (सेवा) नेत्रविक्रम थापा, उपाध्यक्ष (उत्पादन) ललितबहादुर श्रेष्ठ, उपाध्यक्ष (अनौपचारिक) आशा सिंह राठौर रहेका छन् । यसैगरी महासचिव योगेन्द्रकुमार कुँवर, उपमहासचिव (खुल्ला)गणेशबहादुर केसी, ज्योति कोइराला, उपमहासचिव हिला) राधिका कुँइकेल, उपमहासचिव (सेवा) सीताराम अवस्थी, उपमहासचिव (उत्पादन)ईश्वर परियार, उपमहासचिव (अनौपचारिक ) राजेश पालिखे, कोषाध्यक्ष मोहनकुमार बस्नेत र सहकोषाध्यक्ष सुशीला घिमिरेले उम्मेदवारी दिने भएका छन् ।
अध्यक्षका उम्मेदवार दाहालले ट्रेड युनियन काँग्रेसलाई बलियोे बनाउँदै आगामी निर्वाचनमा काँग्रेसको पक्षमा जनमत सिर्जना गर्न आफूले उम्मेदवारी दिएको प्रष्ट परेका छन् ।
त्यस्तै अध्यक्षका अर्का उम्मेदवार आचार्यले नेपाल ट्रेड युनियनको शाख अभिवृद्धि गर्ने, मजदूरलाई आर्थिकरुपले सबल र समुन्नत बनाउँदै उनीहरुको पहुँच अभिवृद्धि गर्ने र समतामूलक समाज निर्माण गर्ने दिशामा अगाडि बढ्नका लागि आफ्नो उम्मेदवारी रहेको प्रस्ट पारे ।
भोलिदेखि योगम्बर पार्टी प्यालेसमा शुरु हुने निर्वाचनमा काँग्रेसका शीर्ष नेताले सम्बोधन गर्ने कार्यक्रम रहेको अध्यक्ष दाहालले बताए । निर्वाचनको सम्पूर्ण तयारी पूरा भएको दाहाल ले जानकारी गराए । ट्रेड युनियनको छैटौँ महाधिवेशनमा देशभरका एक हजार ४०० महाधिवेशन प्रतिनिधि सहभागी हुँदै छन् ।
