काठमाडौँ, असार १९ । न्याय परिषद्बारा सिफारिश भएका २२ जना जिल्ला न्यायाधीशलाई पद तथा गोपनीयताको शपथ गराइएको छ । उच्च अदालत पाटनका मुख्य न्यायाधीश प्रकाश ढुंगानाले हिजो सर्वोच्च अदालतमा आयोजित कार्यक्रममा उनीहरुलाई संविधानबमोजिम शपथ गराएका हुन् ।
नेपाल न्याय सेवाका उपसचिव वा सोसरहका राजपत्राङ्कित द्वितीय श्रेणीमा कार्यरत उनीहरु संविधानको धारा १४९ को उपधारा (१) बमोजिम बढुवा भई जिल्ला न्यायाधीशमा नियुक्त भएका हुन् । न्यायपरिषद्को गत असार ७ गते बसेको बैठकले २२ जनालाई जिल्ला न्यायाधीशमा कामु प्रधानन्यायाधीश दीपकराज जोशीसमक्ष सिफारिस गरेको थियो ।
हिजो शपथ ग्रहण गर्नेमा दीनबन्धु बराल, सुदर्शन लामिछाने, टिकेन्द्र दाहाल, खिमानन्द भुसाल, चाणक्यमणि अर्याल, वसन्तजंग थापा, धुव्रकुमार उप्रेती, कपिलमणि गौतम, विदुर काफ्ले, दण्डपाणि लामिछाने, चन्द्रकान्त पौडेल, राजेशकुमार कटुवाल, देवप्रसाद योगी, श्यामलाल घिमिरे, दिलप्रसाद सापकोटा, प्रेमप्रसाद न्यौपाने, प्रल्हादकुमार योगी, विनोद खतिवडा, माधवप्रसाद सुवेदी, मणिराम न्यौपाने, गीता श्रेष्ठ र दुर्गा खड्का रहेका छन् ।
२२ जना जिल्ला न्यायाधीश नियुक्ती हुँदा एक जना मात्र पर्न सफल भएकी छिन् । यसअघि पहिलो पटक न्याय सेवा आयोगले खुला प्रतियोगिताबाट न्यायाधीशका लागि लिएको परीक्षाबाट उत्तीर्ण भएका १६ जिल्ला न्यायाधीशमा शपथ गराइएको थियो ।
