ओखलढुंगा, असार २० । ओखलढुंगा जिल्लाको सुनकोशी गाउँपालिका मूलखर्कमा जीप दुर्घटना हुँदा एकको घटनास्थलमा नै र एक जनाको उपचारका लागि ओखलढुङ्गा तर्फ ल्याईदै गर्दा बाटैमा मृत्यु भएको बताईएको छ ।
३ जनाको अवस्था भने गम्भिर भएको बताइएको छ । मृत्यु हुने मध्ये एक जना च्यानम र एकजना मुलखर्कको भएको सुनकोशी गाउँपालिकाका प्रमुख रुद्र अधिकारीले बताए ।
मूलखर्कबाट ओखलढुङ्गाको सदरमुकामका लागि छुटेको बा १५ च ८८४३ नम्बरको जीप च्यानमको भालदिप भन्ने स्थानमा दुर्घटनामा परेको हो । दुर्घटना भएको जीप सडकवाट करीब ३ सय मिटर तल खसेको सुनकोशी गाउँपालिकाका प्रमुख अधिकारीले जानकारी गराए ।
घाईतेहरुको उद्धार गरि उपचारका लागि ओखलढुङ्गा मिशन अस्पताल पुर्याईए पनि घाइतेको अवस्था चिन्ताजनक भएका कारण हेलि मार्फत काठमाडौं ल्याउन लागिएको उनले जानकारी गराए । घटनामा परि मृत्यु भएकाको सनाखत हुन सकेको छैन ।
