दुर्घटना हुँदा चार जना घाइते

नवलपरासी, असार २६ । आज पूर्वीनवलपरासीको कावासोती नगरपालिका–८ खरकट्टा जंगलमा सवारी दुर्घटनामा हुँदा एक भारतीयसहित चार जना यात्रु घाइते भएका छन् ।

पश्चिमबाट पूर्वतर्फ जाँदै गरेको ना ५ ख ५९४६ नंको ट्रकले राजमार्ग छेउमा बिग्रीएर रोकिराखेको ना ७ ख २०८० नंको ट्रकमा ठोक्किँदा ना ५ ख ५९४६ नंको ट्रकमा सवार यात्रु घाइते भएका हुन् ।

घाइतेको अहिले स्थानीय नवलपुर अस्पतालमा उपचार भइरहेको जिल्ला प्रहरी कार्यालय नवलपरासी (बर्दघाट सुस्ता पूर्व) ले जानकारी गराएको छ ।