काठमाडौँ, असार २६ । लगातार तीन दिनसम्म बर्षा हुने भएको छ । आज भोलि र पर्सी मुलुकभर मौसम बदली भई हल्कादेखि मध्यम खालको वर्षाको सम्भावना रहेको छ ।
असार २६ गते अथवा आज देशभरिको मौसम बदली भई पश्चिमका अधिकांश स्थानमा हल्कादेखि मध्यम खालको वर्षाको सम्भावना रहेको छ भने साँझ केही स्थानमा भारी वर्षाको सम्भावना रहेको मौसम पूर्वानुमान महाशाखाले बताएको छ ।
त्यस्तै, असार २७ र २८ गते पनि मुलुकभर मौसम बदली भई हल्कादेखि मध्यम खालको वर्षाको सम्भावना रहेको छ ।
मनसुनी वर्षा अझै मुलुकभर प्रभावकारी हुन नसकेको र यस वर्षाले तत्काल ठूला नदीमा बाढीको सम्भावना नरहेको जल तथा मौसम विज्ञान विभाग अन्तर्गतको बाढी पूर्वानुमान महाशाखाले बताएको छ ।
0
Shares
