कञ्चनपुर, असार २७ । आजभन्दा बीस वर्षअघि ज्यान मारेर फरार भएका कञ्चनपुर बेदकोट नगरपालिका–७ का ४६ वर्षीय नारायणदत्त पाण्डेय पक्राउ परेका छन् ।
१८ वर्षीय महिलालाई मारी फरार भएका उनलाई मंगलबार प्रहरीले पक्राउ गरेको हो । जिल्ला सदरमुकाम महेन्द्रनगरस्थित महाकाली अञ्चल अस्पतालमा महिलाको ज्यान मारी पाण्डेय वि.सं २०५६ असार ५ गतेदेखि फरार रहेका थिए ।
हाल घरमा आई लुकिछिपी बसेको अवस्थामा नगरपालिका–७ सुडा झजपुरबाट पाण्डेयलाई पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले बताए ।
पक्राउ परेका पाण्डेयलाई हिरासतमा राखी कर्तब्य ज्यान अपराध शीर्षकमा अनुसन्धान भइरहेको उनले जानकारी गराएका छन् ।
0
Shares
