बस दुर्घटना हुँदा १६ जना घाइते

पाल्पा, असार २८ । आज बिहान तानसेन नगरपालिका–७ भालेबासमा यात्रुवाहक बस दुर्घटना भएको छ । उक्त दुर्घटनामा परी १६ जना घाइते भएका छन् ।

विपरीत दिशाबाट आइरहेको गाडीलाई साइड दिने क्रममा बुटलबाट पोखरातर्फ जाँदै गरेको लु १ ख ७२७२ नम्बरको बस दुर्घटनामा परेको जिल्ला प्रहरी कार्यालयले बताएको छ ।

घाइते भएका १६ जनाको उद्धार गरिएको छ । घाइतेको लुम्बिनी मेडिकल कलेज प्रभासमा उपचार भइरहेको छ ।

बस सडकबाट करीब २० मिटर तल खसेको थियो ।