सरकारको विरुद्धमा नेविसंघद्वारा विरोध प्रदर्शन

काठमाडौं, साउन १ । सरकारले सर्वसत्तावादी चरित्र देखाएको भन्दै नेपाली कांग्रेसको भातृ संगठन नेपाल विद्यार्थी संघले काठमाडौंमा विरोध प्रदर्शन गरेको छ ।

सरकारले गरेका नराम्रा हरेक कामको खबरदारी गर्दै आएको नेविसंघले काठमाडौंको माइतीघरदेखि वानेश्वरसम्म सरकारको विरुद्धमा प्रदर्शन गरेको हो ।

नेविसंघका अध्यक्ष नैनसिंह महरले सरकार कम्युनिस्ट सर्वसत्तावाद लागू गर्नेतर्फ रहेकाले नेविसंघ प्रदर्शनमा उत्रिन बाध्य भएको बताए ।

जुम्लामा आमरण अनसनमा बसेका डा. गोविन्द केसीको जीवन रक्षा गर्नुपर्ने नेविसंघको माग छ ।