बलात्कारको अभियोगमा तीन जना पक्राउ

रौतहट, साउन १ । प्रहरीले बलात्कारको अभियोगमा तीन जनालाई पक्राउ गरेको छ । बालिका अपहरणपछि बलात्कार गरेको अभियोगमा उनीहरुलाई प्रहरीले पक्राउ गरेको हो ।

इलाका प्रहरी कार्यालय गरुडाले आज पत्रकार सम्मेलन गरी तीनैजना अभियुक्तलाई सार्वजनिक गरेको हो ।

पक्राउ पर्नेमा गुजरा नगरपालिका–७ का ३६ वर्षीय बलिष्टर चौधरी, २४ वर्षीय धर्मेन्द्रकुमार चौधरी र १९ वर्षीय जियालाल महतो रहेको प्रहरी निरीक्षक चतुर्भुज ओझाले बताए ।

धर्मेन्द्र र जियालाललाई गरुडाबाट तथा बलिष्टरलाई कलैयाबाट पक्राउ गरिएको हो ।