काठमाडौँ, साउन ८ । कानून, न्याय तथा मामिलामन्त्री शेरबहादुर तामाङले आफ्नो पदबाट राजीनामा दिने घोषणा गरेका छन् ।
आज सिंहदरबारस्थित मन्त्रालयमा अपराह्न पत्रकार सम्मेलन गरी उनले बंगलादेशमा चिकित्सा शिक्षा पढ्न जाने नेपाली विद्यार्थीका सम्बन्धमा आफूले दिएको अभिव्यक्ति विवादित भएकाले मन्त्री तामाङले राजनीतिबाट राजिनामा दिनुपर्छ भन्ने ठानी नैतिकताका आधारमा प्रधानमन्त्री केपी शर्मा ओलीसमक्ष राजीनामा पेस गरेको बताए ।
आफ्नो राजनीति निष्ठा इमान्दारीता र राष्ट्र निर्माण गर्ने आफ्नो पार्टीको महान अभियनलाई कमजोर बनाउन नदिने भन्दै उनले आफ्नो मन्त्री पदबाट राजिनामा घोषणा गरे ।
आफ्नो चारमहीने कार्यकालको उपलब्धिबारे अवगत गराउँदै उनले आफू जहाँ रहे पनि सरकारको ‘समृद्ध नेपाल र सुखी नेपाली’को अभियानमा सहयोगी रहने बताए ।
0
Shares
