काठमाडौँ, साउन ९ । आर्थिक वर्ष २०७४/०७५ मा महानगरीय प्रहरी परिसर काठमाडौँमा विभिन्न किसिमका अपराधका मुद्दाहरुमा कमी आएको छ ।
यस्ता खालका अपराधका मुद्दामा ३३ प्रतिशतले बृद्धि भएपनि जघन्य तथा ठूला अपराधका मुद्दाको संख्यामा भने कमी आएको छ । आव २०७३/०७४ को तुलनामा २०७४/०७५ मा मुद्दा बढे पनि जघन्य र ठूला प्रकृतिका अपराधको संख्यामा कमी आएको परिसरका प्रमुख एवं प्रहरी वरिष्ठ उपरीक्षक विश्वराज पोखरेलले जनाए । आव २०७३/०७४ मा चार हजार ५८२ मुद्दा दर्ता भएको थियो ।
गत आवममा छ हजार ८४१ मुद्दा दर्ता भएका थिए । परिसरमा कर्तव्य ज्यान, ज्यान मार्ने उद्योग, डाँका चोरी, खोटाचलन, ठगी, लागूऔषध, अपहरण, तथा शरीर बन्धक, साइबर अपराधलगायतमा अपराधमा उक्त मुद्दा दर्ता भएका हुन् । परिसरका अनुसार सबैभन्दा बढी २०७५ असारमा ८६७ र सबैभन्दा कम २०७४ साउनमा ३८९ मुद्दा दर्ता भएका छन् ।
परिसरले छ हजार ८४१ मुद्दामा नौ हजार १०२ जनालाई पक्राउसमेत गरिसकेको छ । परिसरमा दर्ता भएका मुद्दामध्ये पाँच हजार ९७६ मुद्दाको फछ्र्योट गरिसकिएको छ भने बाँकी ८६५ मुद्दा फछ्र्योट गर्न बाँकी नै रहेको परिसरका प्रमुख पोखरेलले बताए ।
परिसरका अनुसार आव २०७३/०७४ को तुलनामा आव २०७४/०७५ मा कर्तव्य ज्यान, सुनडाँका, खोटाचलन, ठगी, लागूऔषध, हातहतियार, जबर्जस्ती करणीलगायतका घटना बढे पनि ज्यान मार्ने उद्योग, डाँका चोरी, अपहरण, संगठित अपराध, मानव बेचबिखनलगायतका घटनामा कमी आएको छ ।
यस्तै परिसरले रक्तचन्दन बरामद, पेस्तोल बरामद, जुवाको खालमा रकम बरामद, हुण्डीको रकम बरामद, नक्कली नेपाली नोट बरामद, अवैध भारतीय नोट बरामद, चोरी गरेको मोटरसाइकल बरामद, विश्वकप फुटबल र आइपीएल क्रिकेटमा सट्टेबाजी गर्नेलाई पक्राउ गरेको छ ।
