काठमाडौँ, साउन १० । मुलुकको खेलकूदका क्षेत्रमा उल्लेखनीय योगदान पुर्याएका १२ खेलाडीलाई प्रगतिवादी युवा समाज नेपालले यही साउन ११ गते सम्मान गर्दैछ ।
समाजद्वारा आज जारी विज्ञप्तिमा राष्ट्रिय एवं अन्तर्राष्ट्रिय प्रतिस्पर्धामा नेपाललाई पदक दिलाएर राष्ट्रको गरिमा बढाउनका लागि सफल पूर्व खेलाडीलाई सम्मान गर्न लागिएको बताएको हो ।
सो सम्मानबाट तेक्वान्दोका पूर्व राष्ट्रिय एवं अन्तर्राष्ट्रिय खेलाडी दीपक विष्ट, क्रिकेटका पूर्व कप्तान विनोददास, बक्सिङका दीपक महर्जन, महिला क्रिकेटकी ममता चौधरीलगायत सम्मानित हुने भएका छन् ।
यसैबीच सो समाजले नेपालको मौलिक खेल बाघचाल प्रवद्र्धन गर्न पहिलो पटक राष्ट्रिय बाघचाल प्रतियोगिता आयोजना गर्ने भएको छ ।
यही साउन ११ र १२ गते काठमाडौँमा सो प्रतियोगितामा सात वटै प्रदेश तथा देशका विभिन्न भागमा अवस्थित विद्यालय र उच्च माध्यमिक विद्यालयका गरी १०० खेलाडीहरु सहभागी हुने जनाइको छ ।
