काँग्रेस नेता आचार्यको निधन

नुवाकोट, साउन १३ । नेपाली काँग्रेसका पुराना नेता विष्णुबहादुर आचार्यको गए राति निधन भएको छ ।

पाचक ग्रन्थीको अर्बुदरोगबाट उनको ६३ वर्षका उमेरमा काठमाडौँको वीर अस्पतालमा उपचारका क्रममा निधन भएको हो ।

शनिबार साँझ बान्ता हुने र शरीरमा असजिलो भएपछि उपचारका लागि उनलाई अस्पताल लगिएकामा उपचारका क्रममा गए राति नै निधन भएको आचार्यका सहकर्मी तथा नेपाली काँग्रेसका पूर्व जिल्ला सभापति ध्रुव अधिकारीले जानकारी दिए ।