माइक्रोे बस र ट्रक आपसमा ठोकिदाँ १ को मृत्यु, १५ घाइते

तनहुँ, साउन १४ । आज बिहान तनहुँमा माइक्रोे बस र ट्रक एक आपसमा ठोकिदाँ एक युवतीको मृत्यु भएको छ ।

पोखराबाट काठमाडौँ जाँदै गरेको बा २ ख ११३८ नम्बरको माइक्रो बस र विपरीत दिशाबाट आइरहेको बा ४ ख ११२४ नम्बरको ट्रक ठोकिँदा माइक्रो बसमा सवार १५ यात्रु घाइते भएका छन् ।

सो दुर्घटनामा भोजपुर जिल्ला बोक्सिङ नगरपालिका घर भएकी १९ वर्षीया सविना राईको मृत्यु भएको जिल्ला प्रहरी कार्यालय तनहुँले जानकारी गराएको छ ।

दुर्घटनामा परेर घाइते भएकी राईको उपचारको क्रममा पोखरास्थित मणिपाल अस्पतालमा मृत्यु भएको प्रहरीले जनाएको छ ।

दुर्घटनामा सख्त घाइते भएका तीन जनाको पोखरास्थित मेट्रो सिटी अस्पतालमा उपचार भैरहेको छ भने १२ जनाको दमौलीस्थित रत्नहरी मेमोरियल अस्पतालमा उपचार भइरहेको छ ।