काठमाडौं, साउन २६ । नेपाली काँग्रेसको भातृ संगठन नेपाल बिद्यार्थी संघ कास्की जिल्ला सचिबमा कास्कीका जुजारू नेता संघर्ष कोइराला मनोनित भएका छन् |
बेलायतबाट स्नाकोत्तर पुरा गरेर नेपाल फर्किएका कोइरालाले २०७१ सालमा जिल्ला सदस्य भई आफ्नो राजनीतिक यात्रा अगाडि बढाएका थिए |
उनी नेबिसंघका बौद्धिक नेताका रूपमा चिनिन्छन | करिब ३ बर्षको रिक्तता पछि सभापति बिकाश थापाले विधानले दिएको अधिकार भित्र रही कोइरालालाई सो पदमा मनोनित गरेका हुन् |
कोइराला कास्की नेपाली कांग्रेस संस्थापक सभापति स्वर्गीय करुनानिधि कोइरालाका नाती हुन् | कोइरालाकी आमा शकुन्तला कोइराला नेपाली कांग्रेसको महाधिवेशन प्रतिनिधि हुन |
बाल्यकाल देखि नै कांग्रेसको राजनीतिक माहोलमा हुर्केका कोइराला गत साल सम्पन्न स्थानीय चुनाबमा महानगर संयोजकमा नियुक्ति भएका थिए |
बिभिन्न आन्दोलनमा सक्रिय भूमिका खेलेका कोइराला आफु बिधि र विधानमा रही नेबि संघलाई थप उचाईमा पुर्याउने लक्ष्य लिएर अगाडि बढेको बताउँछन । साथै तोकिएकै मितिमा अधिवेशन हुने पनि उनले बताए |
