पहिरोले जयपृथ्वी राजमार्ग अवरुद्ध

बैतडी, साउन २७ । पछिल्लो समय लगातार परेकोे वर्षाका कारणले सडकमा पहिरो खस्दा बिहानैदेखि जयपृथ्वी राजमार्ग अवरुद्ध भएको छ ।

बैतडीको सिगास गाउँपालिका– ९ श्रीभावरमा आज बिहान ६.३० बजे खसेको पहिरोले सडक अबरुद्ध भएको जिल्ला प्रहरी कार्यालय बैतडीले बताएको छ ।

यातायातका साधन पूर्णरुपमा बन्द हुँदा लामो तथा छोटो दुरीका सवारी साधन रोकिएका छन् भने यात्रु अलपत्र परेका छन् । उक्त सडक डोजरको सहयताबाट खुलाउने कोसिस गरिएको छ ।