बस दुर्घटना हुँदा २४ घाइते

धनगढी, भदौ २८ । दार्चुलाबाट महेन्द्रनगरतर्फ आउँदै गरेको बस आज बिहान भीमदत्त राजमार्ग अन्तर्गत पर्ने डोटीको रुवसकाँडा सडक खण्डमा दुर्घटना भएको छ ।

ना५ख ९११४ नं को हुँदा २४ जना घाइते भएका छन् । कैलालीस्थित क्षेत्रीय ट्राफिक प्रहरी कार्यालयका अनुसार सडकबाट झण्डै १०० मिटर तल भीरमा खसेर भएको सो दुर्घटनामा परी घाइते भएकामध्ये चारजनाको स्थिति गम्भीर भएको र उनीहरूलाई कैलालीका पद्मा अस्पताल र सेती अञ्चल अस्पतालमा उपचारका लागि लगिएको छ ।

बस दुर्घटना भए लगत्तै घटनास्थल पुगेको प्रहरी टोलीले घाइतेको उद्धार गरिरहेको छ । घटनाको विस्तृत विवरण आउन बाँकी छ ।