काठमाडौँ, असोज ५ । नेपाल आज एएफसी यू–१६ महिला फुटबल च्याम्पियनसिप छनोट अन्तर्गत म्यानमारसँग प्रतिस्पर्धा गर्नेछ ।
नेपाल र म्यानमाबीचको यस खेल हल्चोकस्थित सशस्त्र प्रहरी बलको खेल मैदानमा दिउँसो ३ः३० बजेबाट हुनेछ । समूह चरणको पहिलो खेलमा बुधबार फिलिपिन्ससँग ४–० ले हार बेहोरेको नेपालले दोस्रो खेलमा म्यानमारसँग प्रतिस्पर्धामा उत्रिन लागेको हो ।
अघिल्लो चरण प्रवेशको सम्भावना बलियो बनाउन नेपाललाई म्यानमार विरुद्धको आजको खेल जित्नै पर्ने चुनौति देखिन्छ । नेपालले समूह चरणको अन्तिम खेलअन्तर्गत आइतबार मलेसियासँग भिड्नेछ ।
समूहको शीर्ष दुई टोलीले अर्को वर्ष थाइल्याण्डमा हुने एएफसी यू–१६ महिला च्याम्पियनसिपमा सहभागि हुनेछ ।
0
Shares
