सडक दुर्घटनामा एक महिलाको मृत्यु

बनियानी, कात्तिक २५ । आज बिहान झापाको कनकाई नगरपालिका–१ स्थित दुर्गापुरमा सडक दुर्घटना हुँदा एक महिलाको ज्यान गएको छ ।

मृत्यु हुनेमा दोलखा डिबु गाउँपालिका–४ की ५७ वर्षीया दिनवाइ तामाङ रहेको जिल्ला ट्राफिक प्रहरी कार्यालय झापाले जानकारी गराएको छ ।

पूर्व–पश्चिम राजमार्ग अन्तर्गत दुर्गापुरमा को १ च ७७०५ नं. को पिकअप भ्यानले ठक्कर दिँदा तामाङ गम्भीर घाइते भएकी थिइन् ।

उनको उपचारको क्रममा बिर्तामोडस्थित बिएण्डसी अस्पतालमा मृत्यु भएको जिल्ला ट्राफिक प्रहरी कार्यालयका प्रमुख राजेश राईले जनाए । चालकलाई नियन्त्रणमा लिएर घटनाको थप अनुसन्धान भइरहेको छ ।