शरदपुरमा मोटरसाइकल पल्टिँदा एकको मृत्यु

रत्ननगर, माघ १७ । मोटरसाइकल दुर्घटना हुँदा एक जनाको मृत्यु भरतपुर महानगरपालिका–९, शरदपुरमा भएको छ ।

गए राति करीब १०ः३० बजे ना५३प ९७५२ नंको मोटरसाइकल अनियन्त्रित भई पल्टिँदा भरतपुर–४ का २८ वर्षीय मनोज काफ्लेको मृत्यु हुन गएको जिल्ला प्रहरी कार्यालयले बताएको छ ।

प्रहरी प्रमुख सुशीलसिंह राठौरले दुर्घटनामा गम्भीर घाइते भएका काफ्लेको उपचारका लागि भरतपुर अस्पताल ल्याउँदै गर्दा बाटोमै मृत्यु भएको जानकारी गराएका छन् ।