काठमाण्डौ, बैशाख ११ । मिलन चाम्स निर्देशित चलचित्र ‘बीर विक्रम २’ जेठ ३ गतेबाट देशभर प्रदर्शनमा आउ भएको छ । सो चलचित्रको अफिसियल पोस्टर समेत सार्वजनिक गरिएको छ ।
‘पिरतीको मिठो तिर्सना’ को रिमेक भर्सन र ‘वाचा’ बोलको गीतले राम्रो हाइप गरिरहेको अवस्थामा निर्माण टिमले सार्वजनिक गरेको पोस्टरमा फिल्मका चार लिड कलाकार फिचर्ड छन् ।
चलचित्रको ट्रेलर निर्र्माण टिमले केही दिनमा सार्वजनिक गर्ने भएका छन् । यो फिल्म करीब ३ वर्ष अगाडि प्रदर्शनमा आएको फिल्म ‘बीर विक्रम’ को सिक्वेल भएता पनि निर्देशक तथा निर्माता चाम्सले फिल्मको कथावस्तु फरक भएकाले चलचित्र सिक्वेल नभएको जिकिर गरेका छन् । ‘बीर विक्रम’ मा नाजिरसँगै दयाहाङ राई, अनुप विक्रम शाही, दीया पुन लिड रोलमा थिए ।
सुदीप बरालले ‘बीर विक्रम २’ लाई छायाँकान गरेका हुन् । उनी निर्देशक चाम्सका हरेक फिल्म खिच्दै आइरहेका छन् । अपर्ण सापकोटा निर्माता रहेको फिल्ममा देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको अभिनय रहेको छ । हिमाल केसीको द्वन्द्व रहेको फिल्मको कथा प्रदीप भारद्धाजले लेखेका हुन् ।
