ललितपुर, वैशाख २९ । नेपाल फेडरेशन इन्टरनेशनल कराते क्योकुशिनकाई संघद्वारा ललितपुरको सुनकोठीमा शुभकामना आदानप्रदान तथा चियापान कार्यक्रम सम्पन्न भएको छ ।
शनिबार सम्पन्न कार्यक्रममा नेकपाका नेता तथा प्रदेशसभा सदस्य दिपेश महर्जन, सुमेरु ग्रुपका अध्यक्ष भरत महर्जन, नेपाल जेसिजका पूर्वमहासचिव तथा कानुनविद विश्वम्भर बुढाथोकीलगायतका विशिष्ट व्यक्तिहरुको आतिथ्यता तथा उपस्थिति रहेको थियो ।
कार्यक्रमलाई सम्बोधन गर्दै प्रदेश सभा सदस्य दिपेश महर्जनले खेलकुद क्षेत्रको विकासका लागि आफुले सक्दो सहयोग गर्ने वताएका छन् । उनले भने, ’खेलकुदले मानिसलाई अनुशाशित, मर्यादित बनाउन सहयोग पुर्याउछ, अवका दिनहरुमा खेल क्षेत्र पनि सरकारको प्राथमिकतामा पर्नुपर्छ ।’
कार्यक्रममा खेलाडीहरुले आइसब्रेक गर्ने, टायल ब्रेक, पट ब्रेकिङ लगायतका अत्यन्तै जोखिमपूर्ण तथा मनोरञ्जनात्मक खेलहरुको प्रदर्शन समेत गरेका थिए ।
कार्यक्रममा गायक टेकराज लंघाली, लाक्पा शेर्पा, लगायतका कलाकारहरुले भरपुर मनोरञ्जनात्मक प्रस्तुति दिएका थिए । ललितपुरको ऐतिहासिक वस्ती सुनाकोठीमा खेलकुदको विकास र विस्तार गर्ने अभिप्रायका साथ यो कार्यक्रम आयोजना भएको बज्रबाराही सो(क्युकोशिन कराते डोजोका प्रमुख जय देसारले वताए ।
