काठमाडौंँ, भदौ २० । बाढीपहिरो पीडितको राहतका लागि कान्तिपुर फाउण्डेशनद्वारा संकलित कान्तिपुर फाउण्डेशनले एक करोड १४ लाख ४१ हजार ३२ रुपैँया रकम प्रधानमन्त्री दैवीप्रकोप उद्धार कोषलाई प्रदान गरेको छ ।
प्रधानमन्त्री निवास बालुवाटारमा प्रधानमन्त्री शेरबहादुर देउवालाई कान्तिपुर मिडिया ग्रुपका अध्यक्ष तथा प्रबन्ध निर्देशक कैलाश सिरोहियाले उक्त रकम हस्तान्तरण गरेका हुन् । फाउण्डेशनले बाढीपहिरोबाट पीडित भएकाहरुलाई सहयोग पुर्याउने उद्देश्यले ‘कान्तिपुर बाढी–पहिरो राहत कोष’ को स्थापना गरी उक्त रकम संकलन गरेको थियो ।
फाउण्डेशनले रु ११ लाख राखेर स्थापना गरेको कोषमा नेपाल इन्भेष्टमेन्ट बैंक, सिद्धार्थ बैंक, एनआइसी एसिया बैंक, सानिमा बैंक, नेपाल मेडिसिटी अस्पताल र प्रभु बैंकले प्रतिसंस्था रु ११ लाख सहयोग गरेका थिए भने कोषमा जम्मा भएको बाँकी रकम सर्वसाधारणबाट संकलन भएको हो । ।
